وزیر اعظم پاکستان عمران خان سے وزیرِ اعظم آزاد جموں و کشمیر سردار عبد القیوم نیازی نے ملاقات کی، اس موقع پر وزیر اعظم پاکستان نے مرحوم کشمیری حریت لیڈر سید علی گیلانی کی وفات پر گہرے افسو س کا اظہار کیا اور مرحوم کے بلندی درجات کے لیے دعا کی۔ وزیر اعظم پاکستان عمران خان نے کہا کہ پاکستان کی عوام کی تمام تر ہمدردیاں سوگواران کے ساتھ ہیں۔سید علی گیلانی نے کشمیریوں کے حقِ خود ارادیت کیلئے اپنی آخری سانس تک جدوجہد جاری رکھی ان کے ادھورے مشن کو مکمل کریں گے۔ اس موقع پر آزادکشمیر میں گڈ گورننس کو بہتر بنانے اور عام آدمی کو ریلیف پہنچانے کیلئے بنائے گئے قلیل مدتی اور طویل مدتی لائحہ عمل پر بھی تبادلہ خیال کیا گیا۔
66