مظفرآباد
صدر آزاد جموں و کشمیر بیرسٹر سلطان محمود چوہدری نے ممبران اسمبلی سردار میر اکبر خان، دیوان علی خان چغتائی، چوہدری علی شان چوہدری محمد اکبر ابراہیم، چوہدری محمد رشید،عبدالماجد خان، چوہدری ارشد حسین، چوہدری اظہر صادق، ظفر اقبال ملک، نثار انصر ابدالی، سردار فہیم اختر ربانی، محمد اکمل سرگالہ، چوہدری مقبول احمد اور چوہدری یاسر سلطان سے وزیر حکومت کا حلف لے لیا۔ حلف برداری کی تقریب نیو وزیراعظم ہاوس مظفرآبا د میں منعقد ہوئی جس میں وزیر اعظم آزادحکومت ریاست جموں وکشمیر سردار تنویر الیاس خان، سپیکر قانو ن ساز اسمبلی چوہدری انوار الحق، ڈپٹی سپیکر چوہدری ریاض گجر، وزیر حکومت خواجہ فاروق احمد، ممبران اسمبلی، سیکرٹریز حکومت، سربراہان محکمہ جات، عوام الناس سمیت تحریک انصاف کے کارکنان نے کثیر تعداد میں شرکت کی۔ سیکرٹری سروسز اینڈ جنرل ایڈمنسٹریشن راجہ امجد پرویز علی خان نے وزرا حکومت کی تقرری کا نوٹیفکیشن پڑھ کر سنایا جبکہ سیکرٹری صدارتی امور ڈاکٹر سید آصف حسین نے نظامت کے فرائض انجام دیے۔
