حکومت آزادکشمیر بلدیاتی انتخابات کے انعقاد کے لئے سرگرم،وزیراعظم آزادحکومت ریاست جموں کشمیر سردار تنویر الیاس خان کی ہدایت پر 30 کروڑ روپے الیکشن کمیشن کو دے دیئے گئے۔بلدیاتی انتخابات کے انعقاد کے لئے الیکشن کمیشن کی کل مالی ضرورت 90 کروڑ روپے ہے۔ حکومت اور الیکشن کمیشن کے درمیان بلدیاتی انتخابات کا شیڈول جاری کرنے پر مشاورت جاری۔وزیر اعظم آزاد حکومت ریاست جموں کشمیر سردار تنویر الیاس خان بلدیاتی الیکشن کروا کر اقتدار میں عام آدمی کی شراکت کو یقینی بنانے کے لیے سرگرم ہیں تاکہ ترقیاتی عمل تیز ہونے کے ساتھ ساتھ لوگوں کے مسائل مقامی سطح پر حل ہوں۔ اس سلسلہ میں وزیر اعظم آزاد کشمیر نے اپنی تاریخی بجٹ تقریر میں بلدیاتی الیکشن کروانے کا اعلان کر کے آزاد خطہ میں حقیقی معنوں میں تیز رفتار ترقی اور خوشحالی کی بنیاد رکھی ہے۔
٭٭٭٭٭
