انفارمیشن ٹیکنالوجی بورڈ آزادکشمیر اور ایم ٹی بی سی باغ کے مابین معاہدہ ، سیکرٹری اطلاعات و آئی ٹی مدحت شہزاد نے معاہدے پر دستخط کیے آزادکشمیر میں انفارمیشن ٹیکنالوجی کے فروغ کے لیے معاہدہ طے پا گیا۔ اس سلسلہ میں تقریب سیکرٹریٹ اطلاعات و انفارمیشن ٹیکنالوجی میں منعقد ہوئی جس میں سیکرٹری انفارمیشن ٹیکنالوجی و اطلاعات مدحت شہزاد اور ایم ٹی بی سی کے جنرل منیجر علی شوکت نے معاہدے پر دستخط کیے۔اس موقع پر ڈائریکٹرجنرل آئی ٹی بورڈ ڈاکٹر خالد رفیق ، ڈائریکٹر ایم ٹی بی سی سردار زرطیف بادشاہ و دیگر بھی موجود تھے۔ اس معاہدے کے تحت آئی ٹی بورڈ اور ایم ٹی بی سی کے اشتراک سے مختلف شعبوں میں ڈیجیٹل سروسز مہیا کی جائیں گی اور تمام اضلاع میں آئی ٹی سینٹرز بنائے جائیںگے جن میں نوجوانوں کی آئی ٹی کے حوالہ سے تربیت کی جائے گی۔اس موقع پر گفتگو کرتے ہوئے سیکرٹری انفارمیشن ٹیکنالوجی و اطلاعات مدحت شہزاد نے کہاکہ نئے دور کے تقاضوں سے ہم آہنگ ہونے اور تیز رفتار ترقی کے اہداف کو حاصل کرنے کے لئے صوبے میں آئی ٹی کلچر کا فروغ نہایت ضروری ہے، نوجوان آگے بڑھیں‘ آئی ٹی کی تعلیمات حاصل کریں اور ملک کی ترقی میں اپنا کردار ادا کریں، جدید تقاضوں سے ہم آہنگ ہوئے بغیر ترقی کے اہداف کو حاصل نہیں کیا جا سکتا۔ اس موقع پر جنرل منیجر ایم ٹی بی سی علی شوکت نے کہاکہ ایم ٹی بی سی آزادکشمیر میں آئی ٹی کے فروغ کے لیے ترجیحی بنیادوں پر اقدامات اٹھائے گئے
