تیسرے گنگا چوٹی ونٹر سپورٹس فیسٹیول میں سنو کراس جیپ ریلی باغ سے گنگا چوٹی پہنچ گئی ،جیپ ریلی باغ جیپ کلب کے زیر اہتمام ایم ٹی بی سی کے تعاون سے نکالی گئی جیپ ریلی کاآغاز الشمس بریج باغ سے ہوا ریلی میں درجنوں جیپیں شامل تھیں ،جن پر کشمیر کے سبز ہلالی پرچم لہرا رہے تھے باغ سے سنوکراس جیپ ریلی کا آغاز دن 11بجے ہوا سنوکراس جیپ ریلی بوائز کالج چوک سےہوتی ہوئی براستہ پدر گلشیر ،چھتر،بیرپانی،سدھن گلی سے ہوتی ہوئی دن ساڑے 12بجے سطح سمندر سے 10ہزار فٹ کی بلندی پر واقع خوبصورت سیاحتی مقام گنگا چوٹی پہنچی تو شرکائے ریلی کا شاندار استقبال کیا گیا اس موقع پر صدر باغ جیپ کلب سردار معظم بیگ،نے میڈیا سے گفتگو کرتے ہوئے کیا کہ جیپ ریلی کا مقصد کشمیر کے خوبصورت سیاحتی مقامات کوپوری دنیا میں متعارف کروانا اور سیاحوں کی توجہ اس جانب مبذول کرواناہے انہوں نے کہا کہ آزاد کشمیر کی سرزمین کو اللہ تعالیٰ نے بے شمار حسن وجمال سے مالا مال کیا ہے گنگا چوٹی اسلام آباد سے قریب ترین سیاحتی مقام ہے جس کی اسلام آباد سے مسافت صرف چار گھنٹے اور مظفرآباد سے محض ڈیڈھ گھنٹے کی مسافت پر ہے انہوں نے کہا کہ باغ میں ایم ٹی بی سی نے سیاحت کے فروغ اور سیاحتی مقامات کو دنیا بھر میں متعارف کروانے میں اہم کردار ادا کیا ہے حکومت آزاد کشمیر کے ساتھ ملکرایم ٹی بی سی کے چیئرمین محمود الحق اور ان کی ٹیم زرطیف بادشاہ کی قیادت میں سیاحت کے فروغ کے لیے بہترین کام کر رہی ہے۔
فیسٹیول
