فوٹو: فائل

  کراچی: پاکستان میں دوسرے روز بھی سونے کی قیمت میں بڑی کمی ریکارڈ کی گئی ہے۔ فی تولہ کے نرخ 10 ہزار 500 روپے مزید کم ہوگئے۔

بین الاقوامی بلین مارکیٹ میں فی اونس سونے کی قیمت 5 ڈالر گھٹ کر 1926 ڈالر کی سطح پر پہنچ گئی، جس کے باعث مقامی صرافہ مارکیٹوں میں بدھ کو فی تولہ اور فی دس گرام سونے کی قیمتوں میں باالترتیب 10500 روپے اور 9002 روپے کی بڑی کمی واقع ہوئی۔

حالیہ کمی کے بعد پاکستان بھر کے صرافہ بازاروں میں فی تولہ سونے کی قیمت 222,300 روپے اور فی دس گرام سونے کی قیمت گھٹ کر 190586 روپے کی سطح پر آگئی۔

دوسری جانب فی تولہ چاندی کی قیمت مزید 10روپے کی کمی س 2700روپے اور فی دس گرام چاندی کیقیمت بھی 85.73روپے کی کمی سے 2314.81روپے کی سطح پر آگئی۔

(فوٹو: فائل)

 کراچی: اوپن مارکیٹ میں ڈالر کو مسلسل اُڑان کے بعد جھٹکا لگ گیا، آج ڈالر کی اوپن مارکیٹ قیمت میں مزید 11 روپے کی بڑی کمی ہوئی اور قیمت 312 روپے کی سطح پر آگئی۔

کرنسی کی غیرقانونی نقل وحمل پر پابندی، ایکسچینج کمپنیوں کی سخت مانیٹرنگ اور کرنسی اسمگلروں و سہولت کاروں کے خلاف کریک ڈاؤن کی بدولت اوپن مارکیٹ میں ڈالر کی قیمت میں دو روز کے دوران 23 روپے سے زائد کمی ہوئی ہے۔

بدھ کو ڈالر کے اوپن ریٹ گھٹ کر 312 روپے کی سطح پر پہنچ گئے جبکہ انٹربینک ریٹ 307روپے سے نیچے آگئے۔