مہنگائی کی شرح میں مسلسل اضافہ،پارہ مزید بڑھ گیا،،،ہفتہ وار بنیادوں پر مہنگائی کی شرح میں 0 اعشاریہ 34 فیصد کا اضافہ ہوگیا،،،،مہنگائی کی مجموعی شرح ریکارڈ 44 اعشاریہ 64 فیصد کی سطح پر پہنچ گئی۔ادارہ شماریات نے مہنگائی سے متعلق ہفتہ وار رپورٹ جاری کر دی،،، ایک ہفتے کے دوران 22 اشیاء مہنگی 8 کی قیمتوں میں کمی ہوئی،،،،ملک میں پیاز کی قیمتیں بے قابو ریکارڈ 230 روپے فی کلو تک ریکارڈ کی گئی،،،رواں ہفتے پیاز کی فی کلو قیمت میں 18 روپے 31 پیسے کا اضافہ ہواہے،،،ایک ہفتے کے دوران ٹماٹر 10 روپے 78 پیسے فی کلو مہنگے ہوئے ہیں،،،،ٹماٹر کی فی کلو قیمت 143 روپے سے بڑھ کر 154 روپے تک پہنچ گئی،،،رواں ہفتے مرغی کی فی کلو قیمت میں 9 روپے 86 پیسے کا اضافہ ہوا۔رپورٹ کے مطابق ایک ہفتے کے دوران انڈے فی درجن 7 روپے 87 پیسے مہنگے ہوئے،،،رواں دال ماش کی فی کلو قیمت میں 8 روپے 52 پیسے کا اضافہ ہوا،،،ایک ہفتے کے دوران لہسن کی فی کلو قیمت 12 روپے 41 پیسے بڑھ گئی ہے،،،رواں ہفتے کے دوران دال مونگ ،بیف جلانے کی لکڑی بھی مہنگی ہوئی،،،،ایک ہفتے کے دوران آلو،چینی پیٹرول سمیت 8 اشیاء کی قیمتیں کم ہوئیں ہیں،،،رواں ہفتے میں پیٹرول کی فی لیٹر قیمت میں 8 روپے تک کمی ہوئی،،،ایک ہفتے میں چینی کی فی کلو قیمت 1 روپے 32 پیسے کی کمی ہوئی ہے،،،،رواں ہفتے بریڈ،تازہ دودھ خشک دودھ سمیت 21 اشیاء کے دام مستحکم رہے۔
